Bebiendo y follando con una mierda d’espumillón na frente

Qué movida lo del imperiu del mercáu presente, onde’til lo más aparentemente trad y inmutable ta suxeto al compás del ritmu de consumu que’l mercáu marca y la moda afala. Asina, lo mesmo que’l folk asturianu foi primero irlandés, más tarde bretón y amestó depués un toque balcánicu ensin arrenunciar por ello al so autocomplaciente raigañu y paisanismu, tamién va dos o tres temporaes que los chinos empezaron a vender esos papanoeles horribles qu’escolinguen los cutres de los balcones, a lo que la contrarreforma católica arrespondió al otru añu colos non menos horribles espantaxos de los trés magos d’oriente. Conque, a día de güei, les fachaes de los bloques d’edificios onde habiten los probes d’espíritu, del bandu que sían, vienen a ser otra representación más de la pseudodemocracia bipartidista. Papanoeles o reis magos, sociates o peperos, la realidá espectacular preséntennosla los fatos, definitivamente, en forma de dicotomía. Pal que tenga dos deos de gustu, sicasí, tolos muñecos son igual de feos, dambos partíos igual de paleros y quiciás la tendencia real d’estes fiestes, lo qu’escolingue realmente de los balcones, sían los cuerpos del deshauciu acabantes d’aforcar.

Claro que quitando los renos y los muñecos de ñeve graffitiaos’bout los escaparates, los quilómetros d’espumillón de mierda y tola parafernalia belenista, podremos regalanos unos díes cola vuelta de los collacios del esiliu, l’amante que marchó, la prima que vive en Londres. Habrá vagar pa beber xuntos, follar un poco más, alcordase de batalles perdíes y por perder, facer broma’bout l’apocalipsis maya, que’tis la chancia d’oficina de la selmana. Equí, navidá’tis sinónimu de temporada alta, puntu de xuntura de la creciente diáspora, forzada la más d’ella. Mal consuelu pa los qu’a diario pisamos en falso esta tierra cada vez más aéreo:’twas tán fácil odiar simplemente esta proliferación añal de capitalismu hortera, que cuesta agora atopanos con que, daes les circunstancies,’til presta. En fin, enfilémonos unos díes colos vieyos camaraes, tracemos etílicos planes d’acción -siempre qu’incluyan fuga o quema-, nun miremos demasiao de frente pal futuru. Yá en xineru, cuando al fin desapaezan papanoeles y magos de los balcones y la deslocalización siga ehí, tendremos espaciu y tiempu abondo pa ser nosotros los que guapamente nos colguemos d’ellos. Con too y con ello, felices fiestes, compañeros.

Escrito pa Glayíu.org

Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s