Nel festival d’andar per casa d’Avilés

Esti vienres volvemos a collaborar na parte poética d’esti hermosu microfestival.

 

festival de andar por casa

Advertisements

Un poema de Raquel F. Menéndez

Ente los tres ya los nueve años tuvi media melena,
los güeyos grandes ya una zuna de toucar las cousas
que nun foron a quitame.
Llevaba zapatos negros que mio ma ordenaba en fila,
tan pequeñinos como los pies de los gatos.
Tolos domingos de Ramos estrenaba un vistíu.

Na selmana vía los dibuxos animaos
que vimos los guah.es de los noventa
la reposición de Punky Bruster, los Pokemon.
Nada comparao col mio amigu imaxinariu
que tocaba’l so acordión debaxo la panera.

Fixi una proyeición imaxinaria del home qu’amaría
mientras blincaba pelos charcos.

Nos bolsillos siempre llevaba botones cayíos,
fotos de xente que nun conocí
—ya a las qu’ellos non-ys dieron importancia—
el vuelu d’una curuxa que crié ya bendixi.

Agora, soi Auxilio Lacouture dientro los baños
de la cuarta planta de la facultá de Filosofía y Letras
de la UNAM mientras matan xente nel Tlatelolco.
Outras Ángeles Santos pintando la so visión d’un mundu.
Ou la sonrisa pícara de Bette Davis enseñándome a faceme vieya.

Las que más, soi you, equí, onde nunca fui pa marchar,
con Sherezade enseñándome cómo rayos faigo
pa enredar un cuentu, y asina poderasobrevivir.
Cuando lu enredo soi namás you:
la mio media melena, los mios zapatos colocaos en llinia,
la comprobación de si tán los botones nos bolsillos

toucándolos.

Raquel F. Menéndez, en El Llibru póstumu de Sherezade (Impronta, 2017)

Sacavera Sound 2017

sacavera 2017.jpg

PROGRAMA:

VIENRES 19:

– 21:30: 1ª ESPECTACULAR VERBENA POÉTIKA con:

-Comandu Esbardalle: Los nuestros compis de la timba poétika galega volverán a llenar el llar d’actitú punkpoética y llibertaria. Luis Kaf, Aurora Abelairas, Carmen Momo, Marmo Trazos, Ferdinand Bardamu, Pantera Negra y Carlos da Aira vienen con maquinines y performances nuevos que de xuru nun nos van dexar indiferentes.

– Della xente prestoso: Clásicos y modernos de la timba poétika astur, con Victor Cuetos y Francisco Priegue presentando los sos poemarios nuevos, Pablo X. Suárez y Chino el Indio, Ricky Roga, Xavi Cayado y el Conjunto Punkpoético Tirame Piedras y Méteme mano.

Ameniza: Llibre Gypsy, combu espontáneu y llameante d’asociación dispersa.

– 00:00: AFTERVERBENA con FABES DE MAYU y Jam Session (El Judá Rock Bar)

SÁBADU 20:
– 18:30: GRAN PASACALEYES POÉTIKU (Puntu d’alcuentru: plaza Les Campes). Acción artística dispersa n’entornos rurbanos.

– 22:00: 2ª ESPECTACULAR VERBENA POÉTIKA (Llar el Mataderu) con:

– Onda Cantábrica: Un prestosu recorríu pel aleru de la nuestra cornisa a cargu de Jacarandá Disidente, Raquel Asensi (Spoken word Bilbo) y Laura Marcos (Timba poétika Asturies)

– Peña de Babilonia: Antonio Díez, Diego Mattaruco y Alejandra Martínez de Miguel son peña que lo ta petando na escena de poesía escénica de la corte. Rapsodia pura y cero papel.

– Micro Abiertu

Ameniza: Colmena, l’inclasificable y gloriosu ensame de sonidos dispersos y artefactos premusicales.

– 00:00: AFTERVERBENA con L-R y Quinta Esencia (Dj) (Diañu Rockbar)

DOMINGU 21:

13:30: Vermú prestosu con Ún de Grao, Ai-ei-ela pandereteiras, Abysal (dj) y dj Dispersu (Terracina’l Llar)