Un poema de Raquel F. Menéndez

Ente los tres ya los nueve años tuvi media melena,
los güeyos grandes ya una zuna de toucar las cousas
que nun foron a quitame.
Llevaba zapatos negros que mio ma ordenaba en fila,
tan pequeñinos como los pies de los gatos.
Tolos domingos de Ramos estrenaba un vistíu.

Na selmana vía los dibuxos animaos
que vimos los guah.es de los noventa
la reposición de Punky Bruster, los Pokemon.
Nada comparao col mio amigu imaxinariu
que tocaba’l so acordión debaxo la panera.

Fixi una proyeición imaxinaria del home qu’amaría
mientras blincaba pelos charcos.

Nos bolsillos siempre llevaba botones cayíos,
fotos de xente que nun conocí
—ya a las qu’ellos non-ys dieron importancia—
el vuelu d’una curuxa que crié ya bendixi.

Agora, soi Auxilio Lacouture dientro los baños
de la cuarta planta de la facultá de Filosofía y Letras
de la UNAM mientras matan xente nel Tlatelolco.
Outras Ángeles Santos pintando la so visión d’un mundu.
Ou la sonrisa pícara de Bette Davis enseñándome a faceme vieya.

Las que más, soi you, equí, onde nunca fui pa marchar,
con Sherezade enseñándome cómo rayos faigo
pa enredar un cuentu, y asina poderasobrevivir.
Cuando lu enredo soi namás you:
la mio media melena, los mios zapatos colocaos en llinia,
la comprobación de si tán los botones nos bolsillos

toucándolos.

Raquel F. Menéndez, en El Llibru póstumu de Sherezade (Impronta, 2017)

Xente a la que diz que me paezo la xente per ehí

Xente a la que diz que me paezo la xente per ehí:

Trotsky, Castelao, Wally al qu’había que buscar
Cedar Wright (escalador), Iván el de Degaña
un cámara de la TPA de Xixón que dicíen que
yera’l mio doble
Allen Ginsberg
l’enfant terrible de la nueva poesía asturiana
cualquiera con gafes
cualquiera con rizos

pa que depués en casa
n’Orviz
me digan que nun
salí a naide.

Pablo X. Suárez, Marzu 2017

Un poema de Daniel García Granda

PERO’tis too la mesma zuna coles cifres, mecagon
dios, dime ónde
medren los númberos colos qu’espurren los puerros,
cuántes tumbes hai qu’escarbar
pa esconder el xenocidiu les patates, anque seya
a puñaos peles cunetes, pa entender
por qué mio pá baxa siempre la bolsa
enllena cebolles
o por qué si la bolsa sube en Tokio tu tas muertu
de la fartura más fata y unes rayes
o d’un tiru al debalu en Mogadiscio.

Publicáu n’El Remediu (Ruleta Rusa Ediciones, 2015)

Physalis

Esa planta nueva que traxo Mone a la güerta

agora ta de moda como la grosella nos ochenta

yá bilta y enraigona y poseerá la tierra como’l maíz

pues trai un alma nueva en cada cápsula, que’tis

la señorita ente los frutos, tan fina y promiscua y dispuesta

a vistir los pensamientos de novia y a semar la’tisrba

de llámpares minúscules d’IKEA y de redondez

los domingos, a forrar la nuestra decadencia

de gloria y los artos y los campos de cotoya de la promesa

d’abondancia y el poder de lo guapo, pequeño y escondío

que cuerre peles riegues soterrañes llendará les finques

quitará la fame a los raitanes y a los nietos, ablandará a los vieyos

paisanos fíos de puta

la médula vexetal d’estos montes’twill colorada y navegable

y nós llimpios, puros, discretos, ánxeles protectores

de l’ayalga, guardeses, xardineros, agua.

Pablo X. Suárez, Setiembre 2016

BSO: Mundu Vexetal

.

.

100-sementes-de-joa-de-capote-fisalis-com-garantia

Dexáronme por fata, de Jara Cosculluela

Agora que me fici quinceañera
coles mios trés décades d’espoliu
na cai tengo probáu el mio remangu:
puedo ser puta y casi nin m’arrepiento
bolsera tamién
calientabraguetes
tarambaina
lladrona
fata.

Les mios hermanes impórtenme casi tanto
como dormir bien
casi tanto como’l telediariu
casi tanto como
un funeral buenu
casi tanto como
l’ensayu-error
casi tanto como
el tempo.

Nun sé pegame con naide
y sí que me pegaron.
Nun se tirar l’hachu
y equi naide quedó ensin lleña.

Barra llibre de piel
collacios
nel mio botellón del sexu.

Paezme qu’otra vuelta nun voi
presentame al control de mañana.

Jara Cosculluela, en torna llibre del castellan de Pablo X. Suárez

Quedáis desheredaos toos del reinu de les putes

Quedáis desheredaos toos del reinu de les putes
prohíbovos equí y agora
como puta suprema
como puta intergaláctica
como puta estrella de la mio castra
l’accesu de baldre al nuestru reinu.
Acabáronse les compadecencies
los poetes que nos utilicen
como recursu estéticu
na so poesía maurienta
van ser poetes muertos.
Los nuestros llabios son la puerta d’embarcu
de lo que toos quieren
y naide sabe cómo
y les nuestres mentes tán llistes
pa la octava guerra mundial.
A vós, castrones
que me veis
como carne potencial
atrapada na mio propia ninfomanía
condénovos a metevos
nel armariu de les putes
y invóconos a nosotres toes
a salir del armariu de
les realidaes esclaves
y el deséu precariu.
Rétovos, rétonos a entender les coses
yá qu’al fin nun somos tan diferentes
namás soi una puta empleada como cualesquier otra
ausiliar alministrativa
funcionaria pinina condenada a atender les coles de los altos executivos
llambeculos, vendida ensin conveniu, que traga con too
domina delles llingües y de francés: nivel mediu.

Alba Gil, Inéditu, torna del castellán de Pablo X. Suárez

BSO. El deséu insanu

Electolalia

Toi en campaña, baby
d’equi al domingu
namás voi predicar la buena nueva y voi falar
sólo del tiempu y del mio llibru y de les mios buenes acciones
pasaes
y voi pidite un votu
de confianza pal mio cuerpu
necesites, polo menos, enfotu na mio
capacidá d’amar, y yá te digo
de mano, que soi reciu y mui pequeñu
nun sé si lo bastante grande o con esa piel interior panda
que tanto presta
cómo vas sabelo si nun votes por esti
partíu minoritariu
asegúrote que’tis un sistema asambleariu de músculos
y que soi una fardelada nervios dispuesta en círculos
soi’l pueblu y tolo que represento podría parecer simplemente
un homínidu, pero’tis más
soi’l mamíferu que más s’acerca a los tos ideales
y l’únicu votu útil ente tola demás puxarra
soi mayor que’l PP y el PSOE xuntos y tola burocracia
del mundu nun m’apararía
prometo ser buen conceyal
polo menos un par de díes
si’tiss quien p’aguantame’til’l domingu
y espurres el to amor per esta urna.

Pablo X. Suárez, Mayu 2015
BSO: Y too por un votu